星语连绵

　　有说"酒逢知己千杯少，话不投机半句多"，想同佢情话连绵，甚至鸡啄唔断的话，就要识得揾D共同话题倾喇，今次就等卜卜星同你分析一下各星座的不同特性，咁就唔怕同佢冇o野好倾啦！

白羊座

　　白羊天生八八卦卦，乜都讲一餐。同佢地倾偈就唔多需要怕会冇话题，最怕反而系唔小心讲错说话，所以你还是做个好好的聆听者较为有利。

金牛座

　　金牛习惯把自己的理想常挂口边，所以不难听到佢地如何对人说怎样去实践其大计。不过你听还听，千万唔好胡乱加意见或加以批评，否则只会落得被离弃的下场。

双子座

　　双子的事业心都几强，佢地不时会把事业上的种种或对事业上的期望挂在口边，如果你想讨佢欢心的话，就要将你自己表现得像个背后的支持者才行了。

巨蟹座

　　巨蟹相识满天下，又钟意关心朋友和乐于助人，所以佢地o既话题总离不开身边的友人，他们会因某位朋友的一些喜事而乐足半天，亦会因朋友的烦恼事情而变得忧虑重重，所以从这方面入手就唔怕同佢冇话题啦！

狮子座

　　不断在生活上求突破的狮子，时刻都想著如何去改变平淡如水的生活，你若能找到些关于刺激新奇的话题的话，佢就自自然然会找你倾偈，一同寻找生活的乐趣。

处女座

　　不善理财的处女，经常先洗未来钱，搞到财政紧拙，有时间不妨和他慢慢坐低倾o下如何理财，又或倾o下储钱大计。

天秤座

　　天秤热爱旅游，热爱四处游历，一听到边处好玩边处风景如画就雀跃万分，一于同佢分享一下旅游的经历和趣事吧！定会令你同佢会讲到天黑都唔愿停。

天蝎座

　　天蝎最喜爱收藏小玩意，如果同佢地倾偈倾到苦冇话题的话，就不妨拿他的喜好的收藏物(如史诺比)做话题吧！相信这样做定能打破沉闷的气氛。

射手座

　　扮靓健美之道系射手颇关心的一环，同佢地分享美容或者KeepFit之道就适合不过，你仲可以系研究减肥健美o既同时趁机约佢出o黎做运动或者做Gym添！

摩羯座

　　摩羯紧贴潮流脉膊，好多潮流新玩意佢地都会留意，要同佢地倾得o岩Feel就要投其所好，不过千祈唔好扮专家呀，否则只会惹佢反感，扮唔识咁去请教佢地就实无死喇。

水瓶座

　　水瓶习惯观人于微，而且生活上的点点滴滴佢地都会留意，同佢地分享一下生活上的种种事情就最好不过。此举不但可以了解他的日常生活，亦可从中了解其生活圈子，实在一举两得。

双鱼座

　　平日被工作逼得喘不过气的双鱼，回到家时已经疲倦万分，搞到经常同情人倾电话时心不在焉，冇o黎心机，如果你能好好关心一下他的话，一定令他甜在心头的。